Rafmagnið rennur eftir leiðurum (vírum) í jörðunni eða leiðurum sem hanga í rafmagnsstaurum. (loftlínur)    Nú er það ýmsum vandkvæðum bundið að hafa marga leiðara í jörðinni eða margar loftlínur.   Þessir leiðarar eru í eigu raforkudreififyrirtækis sem hefur einokun á dreifingu raforku á sínu svæði og verða allir neytendur á því svæði að fá rafmagnið afhent af því fyrirtæki.   Þannig verða allir í Reykjavík að fá rafmagnið afhent frá Orkuveitu Reykjavíkur.   Rafmagnið sem neytandi kaupir getur verði framleitt af raforkubónda á Snæfellsnesinu, sett í neysluhæfar umbúðir (skráð og sett inn á dreifikerfið) af Hitaveitu Suðurnesja (sölufyrirtæki),   en að lokum afhent af Orkuveitu Reykjavíkur (búðin sem varan er keypt í).   Hér skilur á milli rafmagnsviðskipta og viðskipta með aðrar vörur, að rafmagnskaupandinn er neyddur til að versla í sinni hverfaverslun.  
   Yfirleitt er sölufyrirtæki og dreifingarfyrirtæki sama fyrirtækið (t.d. Hitaveita Suðurnesja, Orkuveita Reykjavíkur), en í tveimur tilfellum hafa þessi fyrirtæki verið aðskild, annars vegar skildi Rarik söludeildina frá sem Orkusalan og Norðurorka skildi sína söludeild frá sem Fallorka.

Orkumiðlun ehf. getur ekki hjálpað þér að velja búð, það ákveður þú með búsetu þinni.
Orkumiðlun ehf. getur bara hjálpað þér að velja vöru og sölufyrirtæki.

Hafðu samband:    si.nuldimukro@nuldimukro

Sími:   534 00 54